Eg kjem sannsynligvis til å gjere nokon forandringar på bloggfronten om ei stund då eg for ei tid sidan invisterte i domenet tarjeihanken.com. Akkurat no har eg berre sett opp ei enkel nettside der eg har testa ut korleis endringane i CSS versjon 3 er. Når ting har roa seg på skulefronten kjem eg nok til å ordne noko meir spennende, i tillegg til å flytte bloggen her dit. Eg må innrømme at eg gledar meg til å byrje å rote meir med vev-koding igjen, men akkurat no er det ikkje tid til slik.

Samarbeid mellom Are Ingulfsen, Anniken Sandøy, Kathrin Pedersen, og sjølvsagt meg.

Illustrasjon av "pedrosimoes7" frå Flickr

Dagane går for tida veldig fort. Vi har alltid noko å gjere, sjølv i dag på søndag måtte eg dra meg ut av hybelen for å jobbe med skulearbeid. Akkurat no er det filminga av video-oppgåva som tar opp mest tid, og hittil har det tatt opp ganske mykje tid også.

På fredag brukte vi opp nesten heile dagen på å filme. I alt hadde vi ein time med opptak, som til saman skal bli nokre få minutt i den ferdige filmen. Det som tok mest tid den dagen var nok det 40 minutt lange klippet som skal bli om til eit tidshopp-klipp der vi spolar gjennom handlinga. Det var ei oppleving å faktisk spele hovudrolla i den scena, der eg gjekk fram og tilbake i rommet samtidig som eg skulle male på eit lerret. Eg kunne ikkje male på det heile tida sidan malinga trengte tid til å tørke, så då sat eg enten med ein PC, eller las i ei bok.

Filmen handlar om ein kunst-student som febrilsk må arbeide med eit måleri som skal leverast inn til eksamen. I løpet av kvelden han jobbar med dette blir måleriet utsett for diverse uhell, før det til slutt blir stilt ut slik som det er. Måleriet ser då sjølvsagt ikkje ut lengre, men likevel likar læraren det og kallar det moderne kunst.

Sidan vi ikkje kom oss så veldig langt med filminga på fredag, til tross for at vi jobba så lenge, så ville vi fortsette i dag. Vi var alle ein tur på skulen først sidan filmkassetten vår var full og vi måtte leggje inn dette på ein PC. Metoden for å gjere dette kjennast veldig gammaldags for oss som er vant med at alt er digitalt. Vi måtte nemlig spele inn opptaka våre gjennom kameraet til PCen, så det tok altså ein heil time å få det inn. Det hadde vore mykje lettare om vi hadde brukt nokon litt meir moderne kamera.

Då vi endeleg hadde kome oss tilbake til location for å filme, oppdaga vi at festet i stativet mangla, slik at vi ikkje kunne bruke det saman med filmkameraet. Vi fekk filma litt med eit ganske dårlig stativ som ein i gruppa hadde, men vi hadde nok greidd det mykje betre om vi hadde det skikkelege stativet til disposisjon. Vi kom oss ikkje så langt med filminga i dag heller, så vi satsar på at vi blir ferdig i morgon.

Akkurat der vi er kome i filminga no er måleriet “ferdig”. Det er med andre ord like før vi skal byrje å øydeleggje det for godt. I neste scene som står for tur, vil det bli eit stort hull i lerretet. Veldig synd å måtte øydeleggje eit måleri eg har jobba med, men kva gjer ein vel ikkje for skulearbeid?

Slik går altså dagane. Eg skal innrømme at det er litt vanskeleg å spele i same film som eg er med på å produsere. Det er heldigvis veldig kjekt likevel.

Dette er naturleg nok eit stort problem sidan eg gjerne har lyst til å kunne spele på PCen, men det er litt vanskelig når PCen skrur seg av heile tida. “Timinga” er også veldig dårlig sidan eit spel eg har venta i spenning på vart utgitt i natt (Battlefield Bad Company 2). No føler eg ikkje at eg har så veldig mykje tid til overs til å spele, men det er jo litt kjedlig at den tida eg faktisk har ikkje kan utnyttast optimalt.

Jaja, eg har vel meg sjølv å takke sidan eg ikkje kjøpte fullversjonen før no.

Om andre ting så har vi no så vidt påbegynt redigeringa av kortfilmen “Utro” for kortfilmklubben Habitus. Det var ganske kjekt å få sjå igjen klippa vi tok på laurdag igjen. Det vi fort såg var ein del nybegynnerfeil, med ting som ikkje er heilt konsekvent mellom alle klippa, men alt i alt så ser det ganske bra ut. Vi skal jobbe vidare med dette på måndag igjen.

Meir filmrelatert så har vi i MID115 akkurat begynt å skrive på manuset vårt for film-oppgåva i det faget. Eg har ikkje tenkt å skrive noko om konseptet enda, men eg kan røpe at vi har eit ganske originalt og spanande utgongspunkt.

Uansett, eg har nok å gjere om dagane, og i morga blir nok ein lang dag for meg. Tjohei!

Det var litt travelt å stå opp tildlig dagen etter fest, men eg overlevde nå. Det blir verre no i kveld når eg skal ut igjen. I kveld er det “H-fest”, som betyr utkledningsfest der vi skal kle oss ut som noko på H. Eg kjem til å gå som ei dårlig tolking av Han Solo.

I morga kjem nok store delar av dagen til å gå med på lydredigering. Eg er framleis ikkje ferdig med alle øvingsoppgåvene i faget, så det må bli gjort. I tillegg så trur eg det er litt arbeid igjen med Spotify-reklama som skal leverast på mondag.

Det er travle dagar her i Volda, men det er jo litt kjekt også.

I tillegg til desse har vi også fått ein del å gjere i MEK111MID der vi er blitt inndelt i “ekspert-team” for forskellege ting. Planen er at vi skal kunne undervise i det temaet vi har fått. Vi skal lage opplegg for tillsette og studentar ved høgskulen, og også eit anna opplegg for sjette-klassingar. Eg havna i gruppa som skal ta for seg “web”, noko eg eigentleg er fornøgd med. Det einaste som er dumt er at eg no må lære meg å bruke Adobe Dreamweaver…

I kortfilmklubben Habitus byrjar vi også å nærme oss ein deadline der mi gruppe skal byrje å filme allereie i morga. Er veldig spent på korleis filmen vår blir.

Eg endte sjølvsagt opp med å lagre posten som ein kladd, og gjekk heller over til å “game” resten av kvelden.

Starcraft var opprinneleg eit sanntids strategispel (RTS) utgitt i 1998 av spillselskapet Blizzard. Dette er same selskapet som står bak det ekstremt populære World of Warcraft (2004) som dei fleste burde kjenne til i ei eller anna form. Starcraft vart utvida seinare same året med ein tilleggspakke kalt Brood Wars.

Starcraft (1998)

Det som er spesielt med Starcraft framfor alle andre spel i same sjanger er kor populært det blei. Framleis spelast det digre turneringar med store pengepremiar i potten. Det var i Sør-Korea spelet verkeleg slo ann der spelet nærmast er rekna som ein eigen sport. Det er ikkje mange andre stadar i verda e-sport er så allment akseptert.

Profesjonelle spelarar blir gjerne omtale som “foreigners” eller ikkje. I den her samanhengen betyr “foreigners” spelarar som ikkje er frå Sør-Korea, det er faktisk så stor forskjell i både omfang og nivå av Koreanske spelarar og spelarar frå resten av verda.

Noreg er ikkje så veldig godt representert i Starcraft-verda, men vi har ei lita samling av spelarar vi også. I ei turnering eg følg med på akkurat no hadde vi ein norsk representant, men han gjekk desverre ut i ei av dei første rundane.

Tolv år etter Starcraft 1 er altså oppfølgaren (snart) klar. Det er som sagt betaen som er i gong. Dette e veldig viktig for at spelet skal bli så godt balansert som mogleg før lansering. Det er ingen som veit kor lenge betaen skal vare, men ryktene sei at vi har heile 4-6 månadar på å kose oss med denne testversjonen her før spelet er ute for fullt.

Starcraft 2 (2010) Frå ein av dei få kampane eg har vunne. Eg styrar her dei raude figurane.

Det er gjort ein drøss med forandringar i dette spelet. Dei grunnleggjande elementa for korleis gameplayet er satt opp er fortsatt likt, men nokre få forandringer er gjort for å modernisere det litt. Grafikken har sjølvsagt fått ei god overhaling sidan sist. Serien har gjort hoppet til 3D, noko Blizzard har greid fint. Alle modellane og teksturane ser skarpe ut, berre nokre få element viser at spelet fortsatt er i beta-status.

Alle dei tre rasene har fått nye einheitar (Terran, Protoss og Zerg), samtidig som ein del av dei gamle er fjerna. Eg trur at dette er gjort for at spelet ikkje skal vere heilt likt det gamle, noko veldig mange ville ha klaga på. Alt det nye i spelet opnar også for ein drøss med nye strategiar, og umoglegjer mange av dei gamle. Dette vil nok vere til glede for mange gamle spelarar som vil kunne fortsette å finne på nye tilnærmingsmåtar for spelet i mange år framover.

Alt dette er om fleirspelardelen av spelet. Eg veit det er mange som gledar seg til å vite resten av historia frå førstespelet, men det er sjølvsagt ikkje vist i fleirspelar-betaen. Sjøl har eg ikkje spelt gjennom alle kampanjene frå det første spelet enda, men eg håpar at eg greier det før det nye er lansert. Viss ikkje får eg berre fortsette å spele fleirspelar eksklusivt til eg er ferdig med det første.

Og slik går dagane. I kveld blir det nok meir Starcraft-speling, kanskje med litt innslag frå andre spel innimellom.

Slik ser det ut når e studerar hardt, berre utan PCen til venstre.

Etter ein lang dag med skulearbeid er det fint å kunne slappe litt av, og la dei kreative delane av hjerna ta over igjen. Eg sit no på slutten av ei av leseøktene mine. Eg har begynt å ha mange fleire av desse i det sidte, og kalenderen min er no full a slike “avtalar”. Eg tar med meg bøkene mine til biblioteket på skulen, og sit der og kosar meg med medieteori og ein god kopp kaffe.

Nedturen som var eksamen i Medievitenskap i fjor haust har eg ikkje tenkt å gjenta, derfor har eg no i vår dedikert mykje meir tid til skulearbeid. Eg er nok ikkje den første studenten som har oppdaga akkurat kor mykje betre det er å lese på skulen, men oppdagelsen var likevel ei slags openbaring for meg.

Boka eg les i dag er “Å være på nett”, av Østerud og Skogseth (red.) Dette er ei av dei betre bøkene eg har hatt til gleda å lese i løpet a kurset. Den handlar stort sett om ting eg er særs interessert i, altså alt som har med bruk av Internett å gjere.

Typisk leseoppsett for meg er med penn i handa slik at eg kan notere alt eg finn interessant undervegs. Samtidig har eg uforstyrrande musikk i øyret, levert av Spotify for mobil. Kaffien er som kjent den faste drikken som held meg i gong.

Eg må nok innrømme at eg gledar meg litt til å komme meg heim no og få i meg litt god mat.

Det tok overraskande lang tid å skrive det innlegget her fordi eg greide å slette alt eg skreiv første gongen.

For det første har eg tenkt å skrive litt om HTML5, men eg vil først bruke litt tid på å skrive og teste det ut sjølv. Saman med dette vil eg nok få ut ein artikkel om døden av Flash som er blitt spådd av mange teknologi-guruar.

Eg har også planar om å skrive ein fortsettelse til den populære programvare-artikkelen eg skreiv tidlegare i veka. Eg må berre teste programma eg skal skrive om meir.

Eg ønskar også fleire innspel frå lesarar. Alltid kjekt med kommentarar, særs om dei har konstruktiv kritikk i nokon form.